日本工作假期第十四個月 --葉月總結--

八月，日本工作假期二年目， 第十四個月。
係日本住過一年，宜家如果有人問我邊個月來日本玩好，我會答八月。
八月係日本夏祭既季節，各地都有好多祭典，上年去左8個東北夏祭，今年最想重去既，係青森既大燈籠祭。
上年得自己一個係路邊睇遊行，己經覺得氣氛好好，要揀我最鍾意既祭典，一定係青森大燈籠祭。
所以，一直都好想，可以同朋友一齊租衫參加大燈籠祭既遊行，
今年，非常非常開心，搵到working holiday 既朋友，一齊參加。

另一個八月既夏祭，係源自四國區德島既阿波舞，唔知點解阿波舞咁受歡迎，
近年日本德島縣外其他地方都開始舉行了阿波舞，我去左德島既會場同東京高圓寺兩個，
雖然舞步同音樂節拍都一樣，不過都係元祖德島規模大型得多，
而且德島係全市既主要大街舉行，而東京高圓寺最多係兩條線既行車路，
好逼人，相比德島既四線車路，德島是更爲熱鬧了。

八月係日本每個地方，都會舉行お盆會，係差唔多每個區都會係唔同既日子舉行，
大家會圍住一個大圈跳お盆舞，係好本地既小型祭典，
大家都會上浴衣，就算唔識跳，只要加入跟往跳下，都唔會有人笑你唔識，
係非常好玩既日本文化體驗！

夏天，更加唔小得煙花，今年再去左偶田川花火大會，
仲經過上年既經驗一早定位，成班人好好玩！
雖然一直都想去北海道睇太陽花同衣草，不過去北海道只得週末兩天實在係太貴同唔夠時間，
上網，來東京都附近都有太陽花田！
左一個週末，去左神奈川縣既太陽花田，八月有夏祭有煙花有真花，真係好豐富既一個月。

本月行程
8/6- 7 青森大燈籠祭
8/13- 14 德島阿波舞
8/17 橫濱 神奈川花火大會
8/20 神奈川県座間市 太陽花
8/27 東京隅田川花火大會
8/28 東京高圓寺阿波舞

日本全国花火大会検索
http://hanabi.walkerplus.com/
--------------------

** 八月---“葉月（はづき）”古時寫作“はつき”，又稱“月見月（つきみづき）”。紅葉與中秋之月，指的都是這個月的景物。

平玩日本 JR篇

臨臨種種JR フリーパス
如果是外國旅客，到日本旅遊最化算的一定是JR pass。
不過JR pass 只限三個月的短期滯留的旅客購買，與持一年工作假期簽証的我無緣。
幸好JR 還有臨臨種種的乗り放題(全日任坐)pass，種類多而且各有不同乘車限制。

最有名的相信是2300Yen一日的青春18きっぷ。青春18並沒有年齡限制，(我初初就想18是指18歲嗎? )，
買一張飛11500 Yen有5格，當日入閘時比張飛比閘口職員，佢就會係其中一格「吸」上當日日期既印，
咁當日就JR普通/快速列車任坐 ( 即係急行,特急新幹線唔得)，
當日可自由出入JR車站，出閘/ 再入比閘口職員check check 印仔個日子就OK。
使用期間可以每人每日一格，或者5個人用一張飛一日用曬5格又得，
唔洗連續使用，不過使用期間內用唔曬，淨返d格係無得退飛既
 (如果唔係大近到期日大黑屋可能會收，唔知大黑屋係咩的話，下面有講)。
我上年就是用青春18玩遍整個東北地區，最後一天由青森乘18小時普通列車回到東京，
不過還過比不上一路乘上北海道的友人誇張。



全日本青春18きっぷ
11500/ 5日
http://www.jreast.co.jp/tc/pass/seishun18.html
可任坐JR線普通/快速列車，不能用於新幹線和特快
利用期間春3月1日～4月10日
夏7月20日～9月10日
冬12月10日～1月10日

青春18專用鐵路乘換案內檢索: http://www.jorudan.co.jp/

JR仲有以下幾種乗り放題Pass，資料來自JR官方網頁

九洲九州の全鉄道が乗り放題,
10500 yen/ 3日
http://www.jrkyushu.co.jp/tabi/mankitsu/index.jsp
九州新幹線、特急列車に乗り放題
北部九州版 17000Yen/ 2日全九州版 36000/ 3日

JR東日本各式Pass網頁:
http://www.jreast.co.jp/tickets/Search.aspx?t0=0&mode=type&SearchFlag=2&serchBtn3.x=15&serchBtn3.y=7&pc=2

スリーデーパス
13000yen/ 3日
JR東日本三年休限定Pass，可加錢補特急卷坐新幹線
http://www.jreast.co.jp/tickets/info.aspx?t0=0&mode=type&SearchFlag=2&serchBtn3.x=15&serchBtn3.y=7&pc=1&GoodsCd=1745
三連休等３日間、ＪＲ東日本線、ＪＲ北海道線の中小国～函館・
木古内～江差間、青い森鉄道線、ＩＧＲいわて銀河鉄道線、
三陸鉄道線、北越急行線、
富士急行線及び伊豆急行線の普通列車（快速含む）の普通車自由席が乗り降りできるきっぷです。
新幹線等をご利用の際は別に特急券等をお買い求めください。

北海道フリーパス
25,500Yen/ 7日
http://www.jreast.co.jp/tickets/info.aspx?t0=0&mode=type&SearchFlag=2&serchBtn3.x=15&serchBtn3.y=7&pc=1&GoodsCd=1417
ＪＲ北海道内の特急・急行列車の自由席が乗り降り自由。
利用期間：通年(4月29日～5月5日、8月12日～15日、12月29日～1月3日除外)

北海道＆東日本パス
10000Yen/ 7日
http://www.jreast.co.jp/tickets/info.aspx?t0=0&t3=3&mode=type&SearchFlag=2&serchBtn3.x=20&serchBtn3.y=8&pc=4&GoodsCd=1417
ＪＲ北海道線、ＪＲ東日本線、青い森鉄道線、ＩＧＲいわて銀河鉄道線、
北越急行線及び富士急行線の普通/快速列車,普通車自由席が連続する7日間乗り降り自由です。
利用期間：
春： 3月1日～4月10日
夏： 7月1日～9月30日
冬： 12月10日～平1月10日



北東北・函館フリー乗車券
18000 yen / 5日,
http://www.jreast.co.jp/tickets/info.aspx?t0=0&t3=3&mode=type&SearchFlag=2&serchBtn3.x=20&serchBtn3.y=8&pc=4&GoodsCd=1628
利用可能列車：普通列車 (可加錢補特急卷坐新幹線)
利用期間：全年 (4/27～5/6、8/11～20、12/28～1/6外)

如果係各式往復(來回)新幹線 包當地JR 任搭，選擇更多不能盡錄，
基本上係人氣旅遊區就會有(京都/奈良/伊豆/熱海/日光等等等等)。
http://www.jreast.co.jp/tickets/Search.aspx?t1=1&t3=3&mode=type&SearchFlag=2&Image3.x=15&Image3.y=6&pc=1

尋找大黑屋



如果要買單程既新幹線/ 車票，係日本有好多能提供小折扣的店鋪，
而最有名的要數大黑屋，車票能提供幾十幾百至千幾Yen既折扣，
而且偶然能找到平價機票，又或者折扣劇票、電話儲值卡、百貨公司現金卷等等。
係新宿東口附近就有兩間呢類型店鋪。



上面提到既青春18きっぷ，可以係到搵到用左 1-4格既「二手飛」，
如果預計玩唔曬5格既，可以買幾格。相反用唔曬既青春18きっぷ，
又或者意外免費攞到又唔去既入場卷、劇飛、百貨公司現金券等，都可以攞來放售。

平玩日本

夜行巴士日本撘新幹線真係幾貴。東京至大阪單程¥14000，東京至青森¥16000，要平，可以撘夜巴。
夜晚上車朝早到，唔怕浪費時間係車程。
夜巴公司有好多，東京至大阪平日最平只需¥3500,只係新幹線既四分一價錢。

我最常用既book 夜網站有以下幾個
高速バスNet- 主要book JR 營運既夜行巴士，JR 巴士既車站多數係車站隔離，一定易搵。
http://www.kousokubus.net/PC/index.aspx

樂天Travel-樂天真係咩都可以買到訂到，易且選擇多，search一次格曬價，方便!
http://travel.rakuten.co.jp/bus/

Willer Express- 網頁易用，唔識日文仲有英文版本，幾外國人friendly 既巴士公司。
http://willerexpress.com/bus/pc/3/top/

呢兩個網頁係友人book 過話平既
http://www.kosokubus.com/
http://www.orion-tourbus.jp/

落夜巴之後，隨身行李可放車站coin locker,
不過，如果是國內旅遊旺季，或是當地祭典期間，車站locker 爆滿，
那麼可選擇車站附近都會有的大型百貨公司。
百貨公司內多數能找到比較小型的coin locker。
不過不得不提，百貨公司關門時間爲730-830pm,
千萬要留意關門時間，以免關店後拿不回行季要等第二天。

善用錢湯

( 德島市內溫泉)

係日本一年，試過幾次係夜巴去夜巴返，或者係寢台列車過夜，咁沖涼點？
唔怕，日本錢湯多的是。雖然唔係全部都係溫泉，但錢湯真係唔難搵，
基本上我去過既錢湯,都係車站行15分鐘之內，而且開得好早，約6-7點左右，
夜巴落車時間剛好沖個涼再去玩。

(青森市內溫泉)

搵錢湯推薦以下兩個網站。
Yahoo ロコ(Yahoo Local)-- http://loco.yahoo.co.jp/

先選擇地區城市，或者就近車站，再選擇「暮らす」，「銭湯、浴場」就可以搵到附近既錢湯。

湯遊navi,-http://www.kenkou-land.mints.ne.jp/
呢個網站有免費iPhone App download, 係專for search 溫泉既，
係個就會係到睇到曬個區既錢湯溫泉，有曬入場費、營業時間等資料，
再入個map 到，自動讀GPRS 定位，方便快捷。
不過呢個網似乎係target 遊客多，比起Yahoo ロコ，比較細既錢湯就無data,
但Yahoo ロコ就唔可以自動load 地圖，兩個網各有所長。

唔住酒店，唔住青年旅館


( 名古屋漫畫cafe 雙人Box, 籃入面有風筒同毛巾。)

日本既平民價酒店chain 東橫in同super hotel, 如果book雙人房，
每人都要3000yen - 4000yen，而日本既青年旅館，網絡唔發達，
一晚亦要2000以上，要過夜最平，係要去漫畫cafe.

( 京都漫畫cafe 單人Box)


( 8H Night Plan 1500 Yen/ Box 出面外觀)

漫畫cafe既位置，用 Yahoo ロコ(Yahoo Local) http://loco.yahoo.co.jp/ 一樣搵到。
「グルメ」「カフェ、喫茶店」「マンガ喫茶」。

漫畫cafe除左梳化位之外，仲會有個室，係一格格咁間開，
內有大班椅可以放到好低訓，又或者係有軟墊既地台，夠一個人申直對腳訓。

話明漫畫cafe，自然漫畫雜誌任睇，仲有電影、動漫dvd, on line game, 上網。
大多數有冲涼，會包毛巾（有地方可能要加100yen租）、有冲涼液洗頭水、風筒。
而且冷熱飲品任飲，冷氣凍可以借毛氈。
漫畫過夜一晚 8個鐘Night Plan 大概係1200-1500 左右，仲平過青年旅館。

留意「早割」特價機票

如果真係要去好遠既地方，例如北海道，都可以買機票。
就算係本地航空公司，機票都貴得驚人，
係香港來回北海道或者沖繩，仲平過係係日本買來回北海道或者沖繩…
要買平機票，當然越早訂越好，早割「28」，就係出發前28日前訂既特價。
而日本既早，係可以45日前。

以下整理國內線遠程機票基本價錢及早割價錢。

東京-北海道
ANA/ JAL- http://www.kokunaisen.com/counter/reservation/index.jsp
一般 30000/早割 28 – 14000/早割 45- 12000

Skymark - http://www.skymark.co.jp/ja/
一般20000/早割 21 –9000 (平日)- 12000

Airdo- http://www.airdo.jp/ap/index.html
一般26000/早割 28 –12000

東京-九洲

Sky flyer - http://www.starflyer.jp/
一般 28000/ 早割 28 - 11000

SolaSeed Air - http://www.skynetasia.co.jp/
一般 33000/ 早割 28 - 14000

東京-沖澠
ANA/ JAL- http://www.kokunaisen.com/counter/reservation/index.jsp
一般 40000/ 早割 28 – 28000/ 早割 45 – 15000

Skymark - http://www.skymark.co.jp/ja/
一般22000/早割 21 –9800

絢爛花火之水上祭典 大板天神祭

天神祭是由大阪天滿宮舉辦的夏季祭典，至今已有千多年歷史。
除了是日本三大祭之一，亦是日本最大型水上祭典。
祭典為期兩天，祭典項目由早上到晚上一個接一個，大阪天滿宮週邊都熱鬧得很。
整個祭典以「奉納花火」為尾聲，五千發的煙花，為天神祭劃上完尾的句號。

天神祭始於天滿宮建宮初期，天滿宮舉行名為「鉾流神事」的祭祀。
祭師把神矛放入河中，並在神矛到岸的地方建起神社。
然後每年祭師都會抬著神橋到該神社一次。
人們為了歡迎神明來到，都跟著神橋之後，最後演變成現在的天神祭。



天神祭第一天為「宵宮祭」，由早上七時多開始舉行稱為「宵宮祭」及「鉾流神事」的儀式。
在河邊舉行的「鉾流神事」，祭師會把神矛放到河中，神矛隨水流去，
代表著神明對大阪的祝福。

早上的神事是向神明禱告的項目，氣氛比較莊嚴，相反，由下午開始的節目便熱鬧得多。
下午的節目由「催大鼓」牽起序幕，整個鼓台會以人力抬起，巡遊天滿宮的週邊。
鼓台上幾名戴著朱紅頭巾的鼓手，以太鼓聲通知市民天神祭的開始。
天滿宮週邊商店街，有人會抬著神橋，續間商戶巡行, 祝願各戶生意興隆。



天滿宮一整天都響著由「地車囃子」奏著的祭樂，節奏輕快，台上會有「龍舞」表演，
龍舞通常以二人一組表演，他們以手碗的靈巧動作模仿天龍在空中飛舞的姿態。
同日還有獅子舞，天滿宮整天都在熱鬧的氣氛中，迎接天神祭正日「本宮祭」。





天神祭的高潮為本宮祭當天的陸上遊行「陸渡御」及傍晚的水上遊行「船渡御」。
陸渡御一行幾百名穿著平安時代服飾的祭師，會有天滿宮巡遊到河邊，預備「船渡御」。
船渡御的兩岸，由午後開始便慢慢人多，櫻之公園四週都會搭起小遊戲、售賣小食等攤檔。
日本人會全家一起在草地野餐、或是三五知已穿著浴衣一起觀祭，氣氛十分熱鬧。



下午七時，船渡御開始，放上燈籠的巡行船只源著河道巡遊，
天色暗起來後，巡行船只的燈光倒影在河水上，五光十色的非常漂亮。
除了可在河邊觀賞之外，也可附費登上船觀看巡遊，船上的人跟著祭樂載歌載舞，很是快樂。整晚的高潮是約五千發的奉納花火，觀祭的人們情緒高漲起來。
漫天的煙火伴隨著人們的贊歎呼聲，天神祭最後在一片掌聲中結束。

天神祭這兩天的節目都排得密密麻麻，
兩天內能看遍巡遊、祭舞、花火等不同的祭典節目，感覺非常滿足呢。



Prema 的旅遊手記
天神祭
大阪市
每年7/24- 7/25

大阪天滿宮網頁http://www.tenjinsan.com/tjm.html
天神祭網頁http://www.osaka-info.jp/jp//tenjin/pl/

Note 1: 天神祭煙火最佳觀賞地點為櫻花公園，
要注意櫻花公園由午後三時在右會開始人潮管制，
到傍晚某些地方會封路，建議早點到找位置觀賞。

Note2: 陸渡御及船渡御的巡行隊伍相同，不過船渡御離岸邊位置不近，
如果想近距離看巡行的平安時代服飾，陸渡御是夠好的選擇。

日本工作假期第十三個月--文月總結--

七月，日本工作假期二年目， 第十三個月

雖然現在是轉了工作簽證，不過還是會去日本四處玩，感覺還是工作假期中呢，所以標題就不換了。

今個月在英國的妹妹大學畢業，請了假往英國參加畢業禮，所以有很多天都不在日本。
然後第一次往日本的海邊去，可惜當日落雨，沒下水，
不過在海邊穿著浴衣看煙花，還有在沙灘放煙火，也是很好的回憶。

本月行程
7／9- 17 英國阿妹畢業週
7／30 熱海 x 煙花

** 七月---“文月（ふみづき）”本來寫作“文披月（ふみひらきつき）”是日本古代的歷法，表示人們在七夕時寫歌著文，抒發胸懷。

搵工~ 日本英語教師

新一期的日本工作假期申請期結束，

跟據Facebook group " ワークキング・ホリデー香港 香港日本工作假期 " 的情報，

似乎申請者不足100 人，即係申請親都好太機會會成功。

見大家對教英文都有興趣，就分享下我半年既教英文生活。

Q1) 日本教英文係點?

日本教英文主要分3種。

1) 成人小班/ 1對1英會話補習

我之前工作的是成人小班/ 1對1英會話補習，公司名係GABA, 係全日本都有分校，係一間1對1既英會話補習，每一間學校都有10-20X 個格仔，每格可以坐 instructor 同 student, 有部電腦。每堂40 分鐘，全部講英文，一句日文都唔洗識。

正式上堂之前，會有3日training 教你點教，而每一個學生，第一堂會有assessment 去check下佢英文程度，再決定用邊個level (1-10)既教材。上堂一般係跟住補習學校既教材教，唔洗自己預備，學生既英文程度係學生profile 有晒record, 係上堂前睇定，可以預備定講得快d定慢d 、用最簡單既英文定用business/ casual English, 上完堂要係網上既student profile update 上堂進度 ( 例如完成第43頁書)，下堂就可以由個度開始教。

學生亦可以算擇唔跟書教，總知個堂既40分鐘學生想點用都得。我試過有學生搵份report/email draft 叫我幫佢proof read，有人會practice power point presentation，叫我比d 意見, 有人試過第二日去香港出差/ 旅行，攞住本旅遊書問我咩好玩咩好食。有人做marketing 想進軍香港，攞埋件product 上堂做market research, 更加有人想練會話識外國人，上堂同我頃足40分鐘計，真係咩類形都有。

至於幾時要返工，都幾flexible, instructor既人工係逐堂計，每個 instructor 要係一個月前submit 自己想教既時間，例如週一至五每日11AM - 7PM，要邊日放假，總之個幾日唔開堂就OK。 然後學生可以選擇喜歡的instructor 教。例如學生星期四7Pm想上堂，個個時間仲有instructor A /B開左堂，佢就可以上網睇到，然後choose 佢想邊個教。

GABA 仲會有oversea recruitment, 係海外申請定都得，佢會簽working visa ，而有好多instructor 都係working holiday 過到日本先搵工，教得OK既GABA 亦會續正式工作簽證。

我一般一個星期返五日工，要返星期六日，星期六日好忙，一般星期六日返足一日可以每日上10-12堂，week day 我返5個鐘左右, 平均每日上到4-6 堂，最勤力個個月返曬全部week end, 一共上左 140 堂。不過我做GABA個時，多數會放幾日假週圍旅行，所以平均每個月做part time 都係上100堂左右，而我好多Full time既同事一般都有160- 200幾堂。

公司網頁: http://careers.gaba.co.jp/

另外兩間呢類形既英會話補習有 Berlitz 同 Aeon。
http://teach.berlitz.co.jp/
http://www.aeonet.co.jp/recruit/

Berlitz 係國際公司，其他文都有得學，而Aeon 就local d, d 教師有幾多係日本人。兩間學校會開GABA 無既小班教英文，學生上堂既時間定左，除左逐堂計既part time, 亦會請full time 既英文教師。

2) 中小學ALT (Assist Language Teacher) Program,

ALT 係一年既contract, 主要附助本地英語教師上堂，個年會被assign 幾間學校，星期一至五到既學校可能唔同，可能會派到近郊既學校，上堂教咩學校會預早比個方向，但教材/lesson plan 要自己預備，ALT 比較多野做同無咁Flexible, 但好在人工穩定，部份包住宿，而且放學校假期，學校假期個幾個月唔洗返工都會6折支薪。
ALT既opening, 係以下網頁有幾多，但網頁都有其他歡迎外國人既工。
https://jobs.gaijinpot.com/index/index/lang/en

而我識兩個香港人working holiday，都係透過以下ALT agent 搵到ALT 既工https://www.interacnetwork.com/recruit/

另外一間ALT agent
http://www.borderlink.co.jp/en/index.html

3)私人上門補習
日本好多私人補習既網，呢d私人補習人工好高，可以去到6000 Yen - 8000 Yen，
不過初到日本無人識你，真係要好好彩先會搵到學生。

http://www.nativesensei.com/
http://www.my-sensei.com/
http://www.findateacher.net/tsearchJS.html

以下唔止英文，咩都搵到人教
http://www.sensei-web.com/

Q2) 咁教英文有咩學歷要求?

基本上大部份要求大學畢業，我申請GABA 時無經驗，咩教學related 既Cert 都無，亦無submit 任何英語能力試既成績，可能因為係英國讀大學，所以公司覺得英文能力有保證。英文能力，其實phone interview 一開聲人地就聽得出，所以我覺得各式cert 都係比你多d 機會有interview. Interview 既人一般係外國人，唔好以為係日本人求其講都ok。

如果係有教學related 既cert, 搵到工既機會會高好多，如果無既，建議係香港考定TOEIC，TOEIC係日本既認受性好高( 香港常見既TOEFL, SAT, IELTS 係日本無咩人識)，考定先會有用就算唔搵教英文工搵期他工都有機會會有用，日本人考既平均分大約係550分，滿分900。

TOEIC 唔洗考oral ，所以就算分高都唔代表英會話好。不過，因為日本好興考TOEIC，有d 地方甚至有TOEIC精讀班，有個高既TOEIC分，都有機會吸引到d 一心為TOEIC進步既學生。
http://www.toeic.or.jp/

Q3) 競爭大唔大?

初初教英文，好擔心，成間學校都係鬼佬，點解d 學生要搵我教唔搵native鬼佬教?
後來係學校有d 熟在既學生，每次都上我堂，搵左個機會問一問佢地點解會揀我既堂，得出以下幾個答案。

1) 我d英文易聽。佢地話鬼佬d 英文好重口音，英國人講野又低音，我d英文清楚易明，所以上我堂。
2)我既堂氣氛relax d，有d 鬼佬上堂push 得佢地大緊要，即係學生鐘唔鐘意你既堂，同個性格都有關系。
3)有d 英文無咁好既學生，一見到外國人就好緊張好驚，反而我係亞洲人，佢地會覺得無咁緊張。
4) 有d人因為要去香港/ 工新加坡工幹學英文 ( 我係新加坡做過野)，佢地會想習慣當年人既英文講法 ， 例如日本人係用美國英文，香港用英國英文，eg 「電梯」 ，美國用elevator ，香港/英國用lift ，香港地下係G/F，日本地下係1/F。

所以雖然競爭大，但我覺得香港人都係有Market 既。而且地震後好多外國人走左，所以宜家英語教師既工，易搵左好多。

Q4) 其他Tips?
-- 如果打算搵office 工，記得帶套Suit 去日本，日本買都幾貴，臨時亦未必搵到人借。
-- 我初來日本除左GABA 都報過Berlitz, GABA 既申請無Berlitz 咁複雜，GABA 係上網填 CV 同簡單既 cover letter 就得，不過要好小心唔好有Grammar Mistake。而 Berlitz, 交左CV 之後佢會send 份好長既 「問卷」要你填，直程係要作文咁作，以節錄問卷問題... 真係好難答...

Eg:
-What kind of challenges have you experienced (or may experience) when teaching and how did you (or how do you think you might) deal with them? What did you (or could you) learn from those experiences?
-What are the important points that make a good lesson?
-What is a “Task-Based” lesson and how would you define a learner-centered lesson?
- Please list all of the following in order of importance for teaching and explain why: Experience, Education, Attitude, Skills

日本工作假期第十二個月 --水無月總結--

六月，日本工作假期第十二個月。

由於現在的工作是每三個月需要續一次合約的派遣工作，三月續了第一次，今個月，接到公司再跟我續約的通知。
我一直很擔心311地震時回香港避了兩週的決定，會影響公司對我的評價，接到續約通知，真是太好了!
續了三個月的約，但我的工作假期簽證今個月耍到期了!
派遣工司答應幫我申請正式的工作簽證，終於日本工作假期第十二個月，終於拿到了夢寐以求的工作簽証。

其實，自己並沒有長遠在日本發展的打算，但再留一兩年，給多點時間玩遍日本也不錯，
所以呢，即使拿了工作簽証，心態上仍是工作假期。
只是嘛，每三個月需再續的合約工作，我也無沒視之為事業，
不過由於現在的公司在全球規模挺大，能做久一點，拿多點經驗也不錯。

踏入初夏，還未到煙花大會的時期，但初夏的節目也有很多，其中去看螢火蟲，印象很深刻，
日本就算是東京都內，還是有清潔的水源讓螢火蟲生活，
不過當天聽上了年紀的居民伯伯說，螢火蟲的數目還是少了很多。

關東區螢火蟲資料 : http://season.enjoytokyo.jp/hotaru/#


再見螢火蟲
http://blog.yahoo.com/Prema-Japan/articles/53997/category/WHV+%E6%97%A5%E6%9C%AC%E7%94%9F%E6%B4%BB


工作假期轉工作簽證!
http://blog.yahoo.com/Prema-Japan/articles/53996/category/Ready+%E6%97%A5%E6%9C%ACWHV

本月行程
6/ 12 - 賞菖蒲花 + 螢火蟲
6/25 - 26 - 香港友人來訪 京都
-------------

六月---“水無月（みなづき）”, 無是“な”的和音字，“水無月”本來應該是“水之月”，也就是“多雨季節”的意思