呢次行富士山，雖算不上準備不足，
但就高估了山頂的溫度，到9合目左右一停低就凍到震。
上到山頂等日出個時真係好凍，不過咁靚，乜到抵!
之後要行富士山既，請考慮以下建議。
1) 水- 上左五合目之後買水會好貴，越上越貴。
請出發之前買定。我個次一共帶左一枝兩L 保礦力同一枝800ML保礦力
請自行係行李重量同需要之間平衡。
2)食品- 登山小屋會有熱食供應，咖哩飯盛惠 1000Yen,
我全程食左4枝Soy Joy + 4條香蕉 + 1包白麵包+ 兩個飯團。
3) 過夜- 登山小屋要盡早book, 兩星期前就會full 。
千期唔好打算訓山! 入夜好大風好凍仲可能會落雨。
個格床基本上但膊頭貼膊頭咁訓，6000Yen 一晚。
每一個"合目"都有登山小屋，建議上到8合目先住，
因為過左8合目會斜好多，透透再行會好d。
我呢次訓7合目，覺得行左陣就訓，訓醒離山頂好遠...
4)行幾耐? 單程5合目到頂我行左大約7個鐘
(5合目-7合目, 16:30 - 19:00, 7合目-山頂 01:00- 05:00)
所以有唔少人係唔過夜十幾個鐘來回。
行上山個時初初都幾順，不過越近山頂就越塞人，
到9合目打過可能係要成條人龍行一步停一步既情況。
5) 落雨? 富士山成日都落雨，我個兩日好彩好天。
不過條山路全部係碎石，如果落起雨來會危險好多，
請考慮清楚係未要繼續行。
6)衫- 我係著Quick Dry 短袖+ 運動褲，帶件冷衫外加Gotex 外套。
剛剛開始行五合目好熱，不過上到8合目左右會凍好多，
我係山上面一件冷衫外加Gotex 外套, 凍到震....
一定要帶/ 著多d衫, 帶埋暖包!
由於有可能落雨，而合目同合目之間無樹無遮無檔一定唔會有位避雨，
一落起雨附送大風，
所以最好著防水防風既褸，我就特登買左件Gotex。
鞋既話一般運動鞋都OK, 不過行完個底蝕曬。
7)其他裝備-
口罩, 富士山係得碎石同塵
努工手套-唔戴唔得
頭燈- 我無頭燈，得枝匙扣式LED電筒仔，
夜晚扣起前面淨係照到前面個步，有頭燈會好好多。
太陽眼鏡
8) 洗手間- 山上各登山小屋都有洗手間，有D要比錢入。
行近就會聞到好大陣味。
入到去其實係乾淨的，不過山上既洗手間無沖水/污水系統，
係用"微生物分解"既方法去處理，所以咁大陣味。
9) 太陽油- 一定一定要搽太陽油，成面係塵都要補,
要搽埋頸同後頸，我漏左後頸，落山個時曬到痛左幾日。
10) 行山竹- 係5合目會有行山竹 ( 其實係枝木)買，約700Yen
每一個合目都有得係枝行山竹到"吸印"留念，
個印係燒紅d鐵印再"辣"上枝木到。
五合目至山頂(十合目)唔只五間屋,
因為有d有""新七合目"同"原祖七合目"，又或者"8.5合目既出現。
每個200/300Yen, 要儲整曬分分鐘要成千Yen,
不過留為記念我又OK~
